Husilər İsrailə hücumları dayandıracaq

Yəməndəki “Ənsar Allah” (husilər) hərəkatı bildirib ki, əgər İsrail Qəzza zolağında atəşkəs razılaşmasına riayət edərsə, hərəkat İsrailə qarşı raket hücumlarını və Qırmızı dənizdən bu ölkə ilə əlaqəli gəmilərə yönələn zərbələri dayandıracaq.

Bu açıqlama “Ənsar Allah”ın siyasi bürosunun üzvü Xuzam əl‑Əsəd tərəfindən verilib.

Əsəd deyib ki, İsrail atəşkəsə əməl etdiyi halda hərbi əməliyyatlar dayandırılacaq, lakin razılaşmanın icrasına nəzarət davam etdiriləcək. O əlavə edib: “Əgər İsrail Qəzzadakı əməliyyatları və mühasirəni bərpa edərsə, biz hücumları daha intensiv şəkildə davam etdirəcəyik.”