Çexiya XİN vətəndaşlarını Venesuelanı tərk etməyə çağırıb

Çexiyanın Xarici İşlər Nazirliyi vətəndaşlarına Venesuelanı tərk etməyi tövsiyə edib.Bu barədə “ČTK” xəbər agentliyi məlumat yayıb.

"ABŞ Federal Aviasiya Administrasiyasının (FAA) xəbərdarlığından sonra əksər aviaşirkətlər bölgədə hərbi fəaliyyətin artması səbəbilə Karakasa uçuşları ləğv edib. Çexiya vətəndaşlarına bütün mövcud vasitələrdən istifadə edərək mümkün qədər tez Venesuelanı tərk etməyi tövsiyə edirik", - XİN-in müraciətində deyilir.

Müxtəlif ölkələrdən bir çox aviaşirkətlər Venesuelaya uçuşları dayandırıb. Hazırda ölkəyə beynəlxalq hava səyahətləri milli aviaşirkətlər və Kolumbiyanın Wingo aviaşirkəti tərəfindən həyata keçirilən uçuşlar sayəsində təmin edilir.