Tramp iki hinduşqanı hotelə gətizdirərək onları əfv edib

ABŞ Prezidenti Donald Tramp Şükran Günü ərəfəsində ənənəvi mərasimdə iki hinduşqanı – Waddle və Gobble-ı rəsmi olaraq əfv edib. Bu barədə ABŞ mətbuatı yazıb. 

Bu, onun yeni dövründə keçirilən ilk və ümumilikdə 78-ci əfv mərasimidir.

Mərasim zamanı Tramp zarafatla “Gəlin Waddle və Gobble-a uzun zamandır gözlədikləri bağışlanmanı verək. Düzdür, Waddle itib, amma heç olmasa Gobble buradadır… Gobble, sən rəsmi olaraq əfv olundun”, – o bildirib.

Hinduşqalar Şimali Karolinadan qatarla Vaşinqtona gətirilib və mərasimə qədər Willard Intercontinental Hotel-də saxlanılıb.

Tədbirdən sonra prezident və birinci xanım bayram hazırlıqları üçün Floridadakı rezidensiyaya yola düşüblər.

ABŞ-da Şükran Günü öncəsi hinduşqaların prezident tərəfindən “bağışlanması” 1940-cı illərdən gələn simvolik ənənədir. Mərasim hər il Ağ Evdə keçirilir və ölkənin ən çox izlənən bayram tədbirlərindən biri hesab olunur.

Tatyana