Bosfor boğazı yaxınlığında üzən tankerdə partlayış baş verib – Yenilənib

Bosfor boğazı yaxınlığında üzən "Kairos" tankerinin minaya toxunaraq partladığı ehtimal olunur.Bu barədə "Habertürk" məlumat yayıb.

Bildirilib ki, partlayış zamanı tankerdə olan 25 nəfər təxliyə edilib, vəziyyətləri yaxşıdır.

***

Bosfor boğazı yaxlnlığında üzən "Kairos" tankerinin maşın şöbəsində partlayış baş verib və yanğın başlayıb.

"Reuters"-in məlumatına görə, bu barədə "Tribeca" gəmiçilik agentliyi xəbər yayıb.

Məlumata əsasən, hadisə Türkiyənin Bosfor boğazının şimalında qeydə alınıb.

Qambiya bayrağı altında üzən və ballast vəziyyətində olan tanker hadisə zamanı boğazdan təxminən 52 mil şimalda hərəkətdə olub.

Hadisə yerinə xilasedici yedəklər və sahil mühafizə bölmələri göndərilib.