Şri-Lankada fövqəladə vəziyyət elan edilib - Yenilənib

Şri-Lanka prezidenti Anura Kumara Dissanayake “Ditva” tropik siklonunun yaratdığı fəsadlarla əlaqədar ölkədə fövqəladə vəziyyət elan edib.Bu barədə xarici KİV xəbər verir.

Prezidentin sərəncamına əsasən,fövqəladə vəziyyətin elan edilməsində məqsəd xilasetmə və humanitar yardımla bağlı əməliyyatların əlaqələndirmə prosesini sürətləndirməkdir.

***

Şri-Lankada “Ditva” tropik siklonunun qurbanlarının sayı 123 nəfərə çatıb .Bu barədə xarici KİV xəbər verir.

Məlumata görə, ölənlərdən başqa, 130 nəfərin adı itkin düşmüş şəxslərin siyahısına salınıb.

Ölkənin Fövqəladə Halların İdarəolunması Mərkəzinin məlumatına əsasən, siklonun fəsadları ümumilikdə 373,428 nəfərə zərər vurub.

43 mindən çox insan ölkədə yaradılmış 488 müvəqqəti sığınacağa təxliyə olunub.