Rusiya “Roblox”u bloklayıb

Rusiyada rəqəmsal oyun platforması “Roblox” terror və LGBT mövzularında təbliğat apardığı əsası ilə bloklanıb.Bu barədə Rusiya Federal İnformasiya Texnologiyaları və Kütləvi Kommunikasiya Nəzarət Qurumu (Roskomnadzor) məlumat yayıb.

Qurumun yazılı açıqlamasında bildirilir ki, platformaya girişə məhdudiyyət qoyulmasının səbəbi orada ekstremizm, terror aktları və LGBT mövzusunda təbliğatın aparılmasıdır.

Bundan əlavə, oyunda çox sayda uyğunsuz məzmunun yer aldığı, uşaqların zaman-zaman cinsi qısnama hallarına məruz qaldığı vurğulanıb.

Gündəlik təxminən 110 milyon istifadəçisi olan “Roblox” auditoriyasının 20 faizini 9 yaşdan kiçik uşaqlar, əksəriyyətini isə 16 yaşa qədər yeniyetmələr təşkil edir.