Rusiya "SnapChat"ı da bloklayıb

"Roskomnadzor" Rusiyada "SnapChat" mesencerini bloklayıb.Bu barədə qurumun Mətbuat Xidməti məlumat yayıb.

Bildirilib ki, hüquq-mühafizə orqanlarının məlumatına görə, Snapchat ölkə ərazisində terror aktlarının təşkili, icrası və cinayətkar qrupların cəlb edilməsi, həmçinin vətəndaşlara qarşı dələduzluq və digər cinayətlər üçün istifadə olunur. 

“Ümumi istifadə üçün nəzərdə tutulmuş rabitə şəbəkəsinin mərkəzləşdirilmiş idarəetmə qaydalarına uyğun olaraq, Roskomnadzor servisin bloklanması üçün tədbirlər görüb”, — açıqlamada qeyd edilib.