Zelenski Prezident Aparatının rəhbəri vəzifəsinə namizədlərin adını açıqlayıb

Ukrayna Prezidenti Volodimir Zelenski Andrey Yermak-ın istefasından sonra ilk dəfə olaraq Prezident Aparatının rəhbəri vəzifəsinə namizədlərin siyahısını açıqlayıb.Bu barədə UNİAN xəbər verir.

Zelenski bildirib ki, əsas namizədlər sırasında Denis Şmıqal (Müdafiə naziri) və Mixail Fyodorov (Rəqəmsal Transformasiya naziri) yer alır.

Zelenski vurğulayıb ki, hər iki əsas namizəd — Şmıqal və Fyodorov hazırkı vəzifələrindən azad edilməli, yəni parlament onların yeni təyinatdan öncə mövcud postlarından çıxarılmasını təsdiqləməlidir. 

Bundan başqa, Zelenski qeyd edib ki, Fyodorovun hazırkı Rəqəmsal Transformasiya Nazirliyindəki yerinə kimin təyin ediləcəyi hələlik bilinmir.