Rusiya səfiri Almaniya XİN-ə çağırılıb

Rusiyanın Almaniyadakı səfiri Sergey Neçayev Almaniya Xarici İşlər Nazirliyinə çağırılıb.Bu barədə Almaniyanın Xarici İşlər Nazirliyinin sözçüsü bildirib.

Rəsmi Berlin Moskvanı Almaniyanın hava hərəkətini idarəetmə sisteminə qarşı kiberhücum, seçkilərə müdaxilə və “hibrid fəaliyyət”lərdə ittiham edir.

Nazirliyin sözçüsü Martin Gize bildirib ki, Rusiya fəaliyyətləri Almaniyanın daxili stabilliyinə təhdid yaradır və cəmiyyəti parçalamaqla dövlət qurumlarına inamı zəiflətməyi hədəfləyir.

Almaniya hökuməti son federal seçkilərin nəticələrinə təsir göstərməyə çalışıldığına dair dəlillər olduğunu iddia edir.

Gize əlavə edib ki, Berlin Moskvanın hərəkətlərini çox diqqətlə izləyir və Rusiya tərəfindən qəbuledilməz hesab edilən fəaliyyətlər cavabsız qalmayacaq.