Türkiyə Qara dəniz üzərində pilotsuz uçan aparatı zərərsizləşdirib

Türkiyə Hərbi Hava Qüvvələri Qara dəniz üzərində pilotsuz uçuş aparatını zərərsizləşdirib.Bu barədə Türkiyənin Milli Müdafiə Nazirliyi “X” sosial şəbəkəsindəki səhifəsində məlumat yayıb.

Məlumata görə, obyekt əvvəlcə Türkiyə hava məkanına yaxınlaşan hava hədəfi kimi aşkarlanıb və F-16 qırıcı təyyarəsi tərəfindən müşahidə altına alınıb.

Nazirliyin açıqlamasına görə, müəyyən edilən hədəf sonradan nəzarətdən çıxmış PUA kimi təsnif olunub və yaşayış sahələrinin xaricində təhlükəsiz ərazidə vurulub.