Polşa Rusiya və Belarusla sərhədi minalayacaq

"Soyuq müharibə"dən bəri ilk dəfə olaraq Polşa Rusiya və Belarusla şərq sərhədi boyunca piyadalar əleyhinə minalar yerləşdirməyi planlaşdırır.Bu barədə "Reuters" məlumat yayıb.

Məlumata görə, bu tədbir Polşanın Belarus və Rusiyanın Kalininqrad vilayəti ilə sərhədlərini möhkəmləndirməyi hədəfləyən "Şərq qalxanı" müdafiə proqramının bir hissəsi olacaq.

Bildirilir ki, Polşa piyada əleyhinə minaların istifadəsini qadağan edən Ottava Müqaviləsindən çıxmağı planlaşdırır. Lakin bu barədə hələ rəsmi qərar verilməyib.