SOCAR İtaliyanın Italiana Petroli şirkətinin 99,82% səhminin alınmasını tamamlayıb

Azərbaycan Dövlət Neft Şirkəti SOCAR API Holding-dən İtaliyanın Italiana Petroli, IP kimi tanınan şirkətinin 99,82% səhminin alınmasını bütün zəruri tənzimləyici icazələr alındıqdan sonra tamamladığını bildirib.

90 ildən çox tarixə malik IP İtaliyada iki neft emalı zavodu, saxlama obyektləri və ölkə üzrə geniş pərakəndə satış şəbəkəsini idarə edir.

SOCAR Bakı-Tbilisi-Ceyhan neft kəməri vasitəsilə İtaliyaya xam neftin əsas təchizatçılarından biridir və Cənub Qaz Dəhlizi vasitəsilə ölkənin təbii qaz təchizatının şaxələndirilməsinə töhfə verir.

API Holding-dən IP-nin 99,82% səhminin alınmasına dair saziş 23 sentyabr 2025-ci ildə imzalanıb.

N.Təbrizli