Avropanın iki böyük ölkəsi birləşmək istəyir

Rumıniya prezidenti Tayan Besesku Moldova ilə birləşmənin Buxarest üçün çox vacib əhəmiyyət daşıdığını bildirib. Prezident 'min oldu]unu vurğulayıb ki, onun təşəbbüsü ilə bu həyata keçəcək. 

ANN.Az-ın "Vesti.ru"ya istinadən verdiyi xəbərə görə, dövlət televiziyasında çıxış edən prezident bu sözləri deyib: "Əgər Moldovada birləşmək küləkləri əssə, Rumıniya buna hər zaman hazır olacaq. Rumınyanın NATO-ya və Avropa Birliyinə üzv olmaq kimi fundamental planları artıq həyata keçib. 3-cü fundamental layihə Moldova ilə birləşmək olacaq. Şübhəsiz".

"Mən siyasətçilərin haq-hesablarından, onların düşüncələrindən, arzularından danışmıram. Xalq birlikdə olmaqda imtina etməyəcək. Mənim Moldova ilə olan bütün bağlarım birləşmək ideyası ilə bağlıdır. Bilirəm, hələlik bunun vaxtı çatmayıb, amma bu baş verəcək, çünki insan qanı su deyil", - Trayan Besesku əlavə edib. 

Rumıniya prezidenti bu ilin iyulunda Moldovaya səfəri zamanı bildirmişdi ki, prezident mandatı bitəndən sonra, xahiş edəcək ki, ona Moldova vətəndaşlığı versinlər. Bununla o, Kişinyovda Moldova və Rumıniyanın birləşməsi üçün fəaliyyət göstərəcək. 

ANN.Az