ADY Bakı–Ağstafa marşrutu üzrə əlavə qatar reysləri və endirimlər tətbiq edir

“Azərbaycan Dəmir Yolları” QSC (ADY) artan sərnişin tələbatını qarşılamaq məqsədilə 17, 18, 24 və 25 yanvar tarixlərində Bakı–Ağstafa–Bakı istiqamətində əlavə qatar reysləri təyin edəcək.

Qurumun  verdiyi məlumata görə, yanvarın 5-dən etibarən bu marşrut üzrə ekspres tipli qatar biletlərinə 10 faiz endirim tətbiq olunur. Eyni zamanda, 23 kiloqramlıq pulsuz baqaj normasından əlavə 10 kiloqrama qədər yükün daşınması üçün rüsum 40 manatdan 20 manata endirilib.

Bakı–Ağstafa marşrutu regionlararası sərnişindaşımada əsas istiqamətlərdən biridir.

ADY son illər sərnişin axınının artması fonunda qatar qrafiklərini genişləndirir və qiymət təşviqləri tətbiq etməklə dəmir yolu nəqliyyatına tələbatı artırmağı hədəfləyir.

Aytac