Sabah dənizdə dalğanın hündürlüyü 6.5 metrə çatacaq - Xəbərdarlıq

Dövlət Dəniz və Liman Agentliyinin (DDLA) Gəmi Hərəkətinin İdarəedilməsi Mərkəzi Xəzər dənizində gözlənilən fırtınalı hava şəraiti ilə bağlı gəmilərə xəbərdarlıq edib.

Agentliyin məlumatına görə, yanvarın 13-ü axşam saatlarından etibarən Xəzər dənizi akvatoriyasında şimal-qərb və şimal küləyinin güclənəcəyi, bu hava şəraitinin yanvarın 15-i gündüz saatlarınadək davam edəcəyi gözlənilir. Küləyin sürətinin 18–23 m/s, arabir isə 25–30 m/s-dək çatacağı bildirilir.

Məlumata əsasən, dalğanın hündürlüyü 3–4 metr, sonrakı mərhələdə isə 4,5–6,5 metrədək yüksələ bilər.

Background: Xəzər dənizində qış mövsümündə müşahidə olunan güclü küləklər və yüksək dalğalanma dəniz nəqliyyatı və liman fəaliyyəti üçün risk yaradır. DDLA bu kimi hallarda gəmi kapitanlarını hava proqnozlarını nəzərə almağa və təhlükəsizlik tədbirlərini gücləndirməyə çağırır.