Ərdoğan: Qarabağ Azərbaycan torpağıdır və əbədi olaraq belə qalacaq

Türkiyə Prezidenti Rəcəb Tayyib Ərdoğan 27 Sentyabr – Anım Günü ilə bağlı sosial media hesabında paylaşım edib.

Ərdoğan paylaşımında Azərbaycanın Vətən müharibəsində şəhid olan hərbçilərini yad edib.

“Dost və qardaş Azərbaycanın Anım Günü münasibətilə Qarabağı işğaldan azad etmək və azadlığına qovuşdurmaq uğrunda mübarizə aparan qəhrəman şəhidlərimizi rəhmətlə yad edir, qazilərimizə dərin ehtiramımı bildirirəm.

Qarabağ Azərbaycan torpağıdır və əbədi olaraq belə də qalacaq”, - Türkiyə Prezidenti qeyd edib.