Milli Məclisin növbəti iclasının gündəliyinə 13 məsələ daxil edilib

 Milli Məclisin oktyabrın 13-də keçiriləcək plenar iclasının gündəliyinə 13 məsələ daxil edilib.

Gündəliyə Azərbaycanla Qırğızıstan arasında müttəfiqlik münasibətləri haqqında müqavilənin təsdiqi, iki ölkə arasında beynəlxalq avtomobil əlaqələri və Azərbaycan-Qırğız İnkişaf Fondunun fəaliyyəti ilə bağlı sazişlər, eləcə də iqlim məsələləri üzrə sənədin təsdiqi daxildir.

İclasda, həmçinin silahların dövriyyəsi, sahibkarlıq sahəsində yoxlamalar, ətraf mühitə təsirin qiymətləndirilməsi, əmək münasibətləri, texniki tənzimləmə, icra icraatı, dövlət qulluğu və xüsusi xidmət orqanlarında xidmətlə bağlı qanun layihələrinə baxılacaq.

Gündəliyə birinci, ikinci və üçüncü oxunuşlarda müzakirə ediləcək qanun layihələri daxildir.