İsrail ordusu HƏMAS-ın hərbi obyektlərinə zərbələr endirib

İsrail ordusu Qəzza zolağında HƏMAS-ın bir neçə obyektinə zərbələr endirib.Bu barədə İsrail Müdafiə Ordusunun mətbuat xidməti məlumat yayıb.

Bəyanatda bildirilir ki, zərbələr nəticəsində HƏMAS-ın komanda məntəqəsi, raket qurğusu və üç silah anbarı daxil olmaqla bir neçə hərbi obyekti məhv edilib.

İsrail ordusunun iddiasına görə, hücumlardan əvvəl yerli sakinlər xəbərdar edilib. Mülki əhali arasında itkilər riskini azaltmaq məqsədilə yüksək dəqiqlikli sursatlardan və hava müşahidəsi vasitələrindən istifadə olunub.