Qəribabadi: ABŞ və İsrail diplomatik danışıqlar zamanı İrana hücum edib

İran ABŞ və İsraili son 16 ayda diplomatik danışıqlar davam edərkən ölkəyə hücum etməkdə ittiham edib. Tehran hücumlar nəticəsində 167 məktəblinin öldürüldüyünü bildirir.
İran xarici işlər nazirinin müavini Kazım Qəribabadi bu fikirləri AQEM-in sammitində çıxışı zamanı səsləndirib.

O, Beynəlxalq Atom Enerjisi Agentliyinin nəzarətində olan İran obyektlərinin də hədəfə alındığını deyib. Qəribabadi İranın özünümüdafiə hüququndan istifadə etdiyini bildirib və ölkəsinə qarşı istənilən təcavüzün cavablandırılacağını söyləyib.

Nazir müavini İsraili silahlara nəzarət üzrə beynəlxalq sazişlərə qoşulmamaqda və Asiyada qeyri-sabitliyin artmasına səbəb olmaqda ittiham edib. O, dövlətlərin suverenliyinə və ərazi bütövlüyünə hörmət edilməli, güc tətbiqi pislənilməli və beynəlxalq hüququn pozulması halları araşdırılmalı olduğunu vurğulayıb.

Qəribabadi Fələstin ərazilərinin işğalını, eləcə də Livan və Suriyada gərginliyin artmasını narahatlıq doğuran məsələlər kimi qeyd edərək hərbi eskalasiyanın dayandırılmasına çağırıb.

Gülnar Nazimqızı