Akif İslamzadə "Alagözlüm”, "Sarı gəlin”, "Bu gecə” ifaları ilə Azərbaycan musiqisinə damğasını vurub. Lakin müğənninin səsi qəfildən tutulub. 

Böyük sənətkar A.İslamzadə doğum günü ilə bağlı təəssüratlarını AzNews.az-la bölüşüb. O, şad gününü ailəsi ilə birgə keçirdiyini deyib: "67 yaşımı doğmalarımla, əzizlərimlə keçirəcəyəm. Düşünürəm ki, insanın şad gününü əzizləri ilə paylaşmasından gözəl heç nə ola bilməz”.

Müğənni özünü bundan sonra səhnədə görmədiyini də deyib: "Hətta səsim qayıtsa belə bundan sonra səhnəyə qayıtmaram.Səhnə mənlik deyil daha”.

Qeyd edək ki, Akif İslamzadə 1948-ci ildə Bakıda anadan olub. 1979-cu ildə Azərbaycan Dövlət İqtisad Universitetini bitirib. İxtisasca istehlakçı mühasibdir. İfaçılığa 1972-ci ildə Rəşid Behbudov adına Mahnı Teatrının vokalisti kimi başlayıb. 1992-1993-cü illərdə Bakı şəhəri baş Mədəniyyət İdarəsinin rəisi olub.