Türkiyə millisinin futbolçusu Arda Turanın "Avro-2016"nın seçmə mərhələsində Latviya ilə matç (1:1) zamanı rəqib komandanın futbolçusu Qints Freymanisi hədələdiyi üzə çıxıb.

Qol.Az-ın Türkiyə mətbuatına istinadən yaydığı xəbərə görə, bu haqda latviyalı futbolçu özü bildirib. 

“Arda mənə yaxınlaşaraq dedi: bir az futbol oynayın! Futbol oynamağı da bacarmırsınız. Ancaq təpik atmağı bilirsiniz. Sənin başını bədənindən ayıraram!".

Freymanis bildirib ki, A.Turan bu sözlərlə kifayətlənməyib, onu türkcə söyüb də:  "O, mənə ispan dilində də bəzi təhqiramiz sözlər dedi".

Qeyd edək ki, Freymanis Türkiyə millisi ilə oyunda qırmızı vərəqə ilə cəzalandırılıb.