Qurban Qurbanov: "Bizi çətin oyun gözləyir"
20.06.2016 18:29
"İlk oyunlar hər zaman çətin olur. Ölkəsinin çempionu və kubokun qalibi olmuş komandanı zəif adlandırmaq olmaz. Çempionlar Liqasında istənilən ölkənin güclü komandası çıxış edir. Bu baxımdan da istənilən rəqiblə oynamaq bizim üçün çətin olacaq".
ANN.Az klubun saytına istinadən verdiyi məlumata görə, baş məşqçi Qurban Qurbanov Çempionlar Liqasının II təsnifat təsnifat mərhələsində rəqib olacaq Lüksemburq "Düdelanj"ı barədə danışarkən deyib.
44 yaşlı mütəxəssis püşkü belə dəyərləndirib: "Son zamanlar Lüksemburq futbolunda inkişaf göz qabağındadır, 14 komandalı çempionatları var və Lüksemburq çempionatında rəqabət də istənilən səviyyədədir. "Düdelanj" da ölkəsinin çempionatında uzun müddət məğlub olmayıb və daim qələbə qazanmaq üçün vuruşan bir komandadır. Ümumiyyətlə, bu rəqib bizim Çempionlar Liqasının bu mərhələsində qarşılaşdığımız güclü komandalardan biridir.
Bizi çətin oyun gözləyir, potensial 5 rəqibdən qismətimizə "Düdelanj" düşdü. Bu gündən etibarən sırf bu oyun üçün hazırlaşmağa başlayacağıq".
Qeyd edək ki, "Qarabağ" ilk oyununu 12-13 iyulda Bakıda, cavab görüşünü isə 19-20 iyulda Lüksemburqda keçirəcək.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
İdman 09:07
Prezidentin sosial media hesablarında futbol üzrə U-15 dünya çempionatı ilə bağlı videoçarx paylaşılıb
Foto
Video
