Ramil Şeydayev “Trabzonspor”da

Qol.az-ın xəbərinə görə, bu haqda "NTV Spor" məlumat yayıb. Onunla 4 illik müqavilə imzalandığı bildirilib.

Klubun rəsmi saytında verilən xəbərdə isə bildirilir ki, gənc hücumçu razılığıa gəlinib. O, tibbi müayinədən uğurla keçib. Bundan sonra Şeydayev komandanın Slovakiyadakı təlim-məşq toplanışına qatılacaq.

"NTV Spor”un xəbərinə görə, azad agent kimi "Trabzonspor”a keçən 20 yaşlı gənc hücumçu 2016/17 mövsümündə 430 min, 2017/18 mövsümündə 350 min, 2018/19 mövsümündə 400 min, 2019/20 mövsümündə 450 min avro maaş alacaq.

Əlavə edək ki, Rusiyanın "Zenit” klubu ilə müqavilə bitən Şeydayev bir müddət əvvəl Azərbaycan millisində oynamaqdan imtina edərək Rusiya millisində oynamaq istədiyini açıqlamışdı. Bugünlərdə isə o, milli komandamızda çıxış etmək istədiyini bildirib. Rusiya mətbuatının yazdığına görə, Şeydayev Azərbaycan vətəndaşlığı alıb millimizdə oynamaq üçün AFFA ilə danışıqlara başlayıb.

Qeyd edək ki, Rusiyanın Sankt-Peterburq şəhərində doğulan Ramil Şeydayevin atası azərbaycanlı, anası isə rusdur.