Şvaynştayger Türkiyə yolunda

Anews.az Apasport.az-a istinadən xəbər verir ki, 33 yaşlı oyunçu "Fənərbaxça”nın maraq dairəsinə düşüb.

"Çikaqo” ilə müqavilə müddəti bu ayın sonuna qədər olan Almaniya millisinin sabiq üzvü karyerasını Avropada davam etdirmək niyyətindədir. O, hətta hazırkı klubunda qazandığı 4,5 milyon avroluq illik məvacibindən də az məbləğə razılıq verəcəyini söyləyib.

"Fənərbaxça” bir neçə Avropa klubunun gündəmində olan ulduz futbolçunun meneceri ilə danışıqlara başlayıb. Maraqlıdır ki, həmin klublar arasında yalnız Türkiyə təmsilçisi uzunmüddətli müqavilə təklif edib.

Qeyd edək ki, "Bavariya”nın yetirməsi olan Bastian Şvaynştayger 2002-2015-ci illərdə bu komandanın heyətində 458 oyun keçirib, 61 qola imza atıb.