Avropa Liqası - Nəticələr

Avropa Liqasının qrup mərhələsində VI turunun oyunları başa çatıb.  

ANN.Az Apasport.az-a istinadən xəbər verir ki, təmsilçimiz "Qarabağ”ın da mübarizə apardığı yekun matç günündə ümumilikdə 12 qrupda 24 qarşılaşma keçirilib.

Turnirdən növbəti mərhələyə artıq 14 komanda adlayıb. Ötən gün isə daha 10 vəsiqənin taleyinə aydınlıq gəlib. Qonşu Türkiyə klublarından "Beşiktaş" İstanbulda İngiltərə "Tottenhem"ini sınağa çəkib. "Qara qartallar” londonluları 59-cu dəqiqədə Cenk Tosunun vurduğu yeganə qolla məğlub edərək, qrupu lider kimi tamamlayıb. "Trabzonspor” isə səfərdə Polşa təmsilçisi "Legiya"nın qonağı olub. Qara dənizlilər görüşdə 2:0 hesabı ilə uduzsa da, adını növbəti mərhələyə yazdırıb.

Beləliklə, 1/16 final mərhələsinə "Borussiya” (Münhenqladbax), "Vilyareal”, "Brügge”, "Torino”, "Beşiktaş”, "Tottenhem”, "Zalsburq", "Seltik”, "Dinamo” (Moskva), PSV, "İnter”, "Dnepr”, "Feyenoord”, "Sevilya”, "Everton”, "Volfsburq”, "Napoli”, "Younq Boyz”, "Dinamo”, "Olborq”, "Fiorentina”, "Genqam”, "Legiya” və "Trabzonspor” klubları adlayıb.

Çempionlar Liqasında isə mübarizəni dayandırıb, Avropa Liqasnda çıxış edəcək komandalar "Olimpiakos”, "Liverpul”, "Zenit”, "Anderlext”, "Roma”, "Ayaks”, "Sportinq”di.

ANN.Az