Ardanın seçimi hamını şoka saldı

Qol.Az-ın Türkiyə mətbuatına istinadən yaydığı xəbərə görə, "Atletiko"nun yarımmüdafiəçisi "ilk üçlük"də müvafiq olaraq Kriştiano Ronaldo (Portuqaliya, "Real"), Aryen Robben (Hollandiya, "Bavariya") və Kərim Benzemanı (Fransa, "Real" qeyd edib.

Arda Turanın ən yaxşı məşqçi seçimi ilə bağlı verdiyi səslər isə təəccüblə qarşılanıb. O, bundan əvvəlki açıqlamalarında "Atletiko"dakı baş məşqçisi Dieqo Simeoneni 2014-cü ilin ən yaxşısı hesab etdiyini söyləməsinə baxmayaraq, birinci sıraya Joze Mourinyo ("Çelsi"), ikinci sıraya isə Yoahim Lövü (Almaniya) layiq bilib. D.Simeone isə onun siyahısında üçüncü olub.

Bundan sonra sosial şəbələrdə Ardanın seçimi ilə bağlı müzakirələr başlayıb.

Səsvermənin nəticələri açıqlandıqdan sonra A.Turan "Tvitter" hesabından səsvermə zamanı argentinalı mütəxəssisi birinci seçdiyini deyib:

"O zaman Türkiyə Futbol Federiyası məndən kimə səs vermək istədiyi soruşanda ən yaxşı məşqçinin Simeone, ən yaxşı futbolçunun isə Ronaldo olduğunu söylədim. Simeone mənim üçün dünyanın ən güclü məşqçisidir. Onun uğuruna öz uğurum kimi sevinəcəkdim. Hadisə belə baş verib. Yanlış anlaşılmasın deyə bu barədə açıqlama vermək istədim".