“Qarabağ”ın futbolçusu Ermənistana qalib gəldi

"Avro-2016”nın seçmə mərhələsində V turun oyunları davam edir.

Qol.Az-ın məlumatına görə, "Qarabağ”ın futbolçusu Ansi Aqollinin çıxış etdiyi Albaniya millisi öz meydanında Ermənistanı qəbul edib.

Matçın 4-cü dəqiqəsində qonaqlar hesabı açsa da, Albaniya millisi iki qol vuraraq əzmkar qələbə qazanıb – 2:1.

Qeyd edək ki, Aqolli start heyətdə meydana çıxıb və sona qədər mübarizə aparıb.

Bu qələbədən sonra xalını 7-ə çatdıran Albaniya yığması qrupda 2-ci pilləyə yüksəlib. Hazırda Serbiya ilə qarşılaşan  Portuqaliya millisi qalib gələcəyi təqdirdə 2-ciliyi yenidən ələ keçirəcək.

İ qrupu

21:00. Albaniya - Ermənistan - 2:1
Qollar: Movsisyan, 4 (0:1), Mavraj, 77 (1:1), Qaşi, 81 (2:1)
Qırmızı vərəqə: Hambartsumyan, 70 (Ermənistan)

ANN.Az