Azərbaycan Premyer Liqasına yekun vuruldu

Bu gün Azərbaycan Premyer Liqasında 2014/2015 mövsümünə yekun vurulub.

Qol.Az-ın məlumatına görə, son turun bütün oyunları eyni gündə keçirilib.

Çempionluğu rəsmiləşdirən "Qarabağ" son turda istirahət edib.

Artıq gümüş medalları özü üçün təmin edən "İnter” səfərdə "Sumqayıt”ın qonağı olub və 1:3 hesabı ilə uduzub.

"Neftçi” öz meydanında AZAL-ı qəbul edib. Qarşılaşma 1:1 hesabı ilə başa çatıb

"Qəbələ” doğma meydanda autsayder "Bakı”ya 3:0 hesabı ilə qalib gələrək çempionatın bürünc medalını qazanıb.

Maliyyə problemi ilə üzləşən və dağılmaq təhlükəsində olan "Simurq” 

səfərdə "Xəzər Lənkəran”ın qonağı olub. Bu oyunda hesab açılmayıb.

28 may (cümə axşamı)

21:00. "Xəzər Lənkəran”– "Simurq” - 0:0

"Xəzər Lənkəran” mərkəzi stadionu

20:00. "Neftçi” – AZAL 1:1

Qollar: Elşən Abdullayev, 60 (1:0), Nicat Qurbanov, 83 (1:1)

Qırmızı vərəqələr: Orxan Lalayev, 54 (AZAL), Əziz Quliyev, 74 ("Neftçi")

8-ci kilometr qəsəbə stadionu

20:00. "Qəbələ” – "Bakı” - 3:0 

Qollar: Viktor Mendi, 7 (1:0), Ekiqo Ehiosun, 13 (2:0), 23 (3:0)

Qəbələ şəhər stadionu

19:00. "Sumqayıt” – "İnter” - 3:1 

Qollar: İlkin Sadıqov, 7 (0:1), Pərdis-Fərcad Azad, 36 (1:1), Məhəmməd Qurbanov, 45 (2:1), 66 (3:1)

"Kapital Bank”