"Barselona"da daha bir müqavilə

Qol.Az-ın klubun rəsmi saytına istinadən verdiyi məlumata görə, "Barselona"dan ayrılacağı söylənilən Pedro Rodriqes qərarını dəyişib.

Komandada qalmağa qərar verən 27 yaşlı futbolçu Kataloniya klubu ilə 2019-cu ilə qədər müqavilə imzalayıb. Təcrübəli futbolçunun təzminat qiymətinin 150 milyon avro olduğu açıqlanıb. Bu isə deməkdir ki, Pedronu transfer etmək istəyən komandalar 150 milyon avrosundan keçməli olacaq. 

Qeyd edək ki, "Barselona" yetirməsi olan Pedro ötən mövsüm Kataloniya təmsilçisinin heyətində 49 oyun keçirib ki, bunların da yalnız 22-də meydana start heyətində çıxıb.