Rüstəm Qasımov
Bu gün biz sizlərə Tbilisinin ən maraqlı məkanlarından birindən - Rike parkından fotolar təqdim edəcəyik. Bu mənzərəli yer köhnə Tbilisinin sahilində, Kür çayının qırağında yerləşir. Park 2010-cu ildə açılıb və Gürcüstanın müstəqilliyi gününə həsr olunub. Park Tbilisidə çox populyardır, xüsusilə yayda burada istirahət edən saysız-hesabsız turist görmək olar.
Rike parkında Gürcüstanın ən maraqlı obyektlərindən biri - şüşə körpü yerləşir. 150 metr uzunluğundakı poladdan quraşdırılmış və şüşəylə örtülmüş körpü keçmiş gürcü prezidenti Mixail Saakaşvilinin təşəbbüsü ilə tikilib və 2010-cu ildə rəsmən açıq elan edilib. Bu körpüyə baş çəkmək demək olar ki, Tbilisiyə baş çəkən hər bir turistin başlıca missiyalarından biridir. Körpünün memarı italyan Mikele de Lukkidir, o həmçinin Gürcüstan Daxili işlər nazirliyinin yeni binasının memarıdır. İşıqlandırma dizayneri isə fransız Filip Martinodur.
Rike parkında hal-hazırda daha bir möhtəşəm bina Tbilisi musiqi və dram teatrı tikilir. Bu tikilinin də memarı italyandır - Massimiliano Fuksas. Ancaq bəzi tbilisililər bu tikilini sadəcə olaraq "Borular" adlandırırlar.
Oxucularımıza Rike parkından çəkdiyimiz fotosessiyanı təqdim edirik.
Xoş seyrlər:
www.ann.az
Bizi sosial şəbəkələrdə izləyin !