Üzvləri milli komandaların heyətində çıxış edən klublara ödənilməsi üçün UEFA tərəfindən ayrılmış vəsaitlə bağlı AFFA tərəfindən UEFA-ya sorğu göndərilib və "Xəzər Lənkəran” klubunun ödənişi ilə əlaqədar UEFA-nın tövsiyəsinə ehtiyac duyulduğu bildirilib.
Qol.az-ın AFFA-nın saytına istinadən yaydığı xəbərə görə, UEFA sorğunu cavablandırıb və "Avro-2016”nın seçmə mərhələsində "Xəzər Lənkəran” klubuna məxsus futbolçuların milli komanda heyətində çıxışına görə UEFA tərəfindən ayrılmış 120,583.68 avro vəsait UEFA-nın tövsiyəsinə əsasən müvafiq qaydada AFFA-nın vasitəçiliyi ilə klubun hesabına köçürülüb.
Eyni zamanda, "Xəzər Lənkəran” klubu AFFA və PFL-ə olan borcunu ödəyəcək.
Xatırladaq ki, bundan əvvəl UEFA uşaq futboluna görə "Xəzər Lənkəran"a 51 min 104 avro vəsait ayırıb.
www.ann.az
Bizi sosial şəbəkələrdə izləyin !
