Gürcüstan Ermənistandan tranzit tədarükləri ilə bağlı danışıqlar aparır

Oxu.Az bu barədə Gürcüstan KİV-nə istinadən xəbər verir.

"Brüsseldə görüş zamanı biz Ermənistana nəql edilən qazın həcminin artırılmasına dair məsələ qaldırdıq, çünki bizim üçün qaz kəmərinin maksimal şəkildə yüklənməsi və daha böyük həcmdə qaz almağımız vacibdir. Əgər kommersiya şirkətlərinin istək və imkanı olarsa onlar əlavə Rusiya qazı əldə edə bilərlər”, - o qeyd edib.

Onun sözlərinə görə, Gürcüstan qaz nəqli ilə əlaqədar İran ilə də danışıqlar aparır.

"Bizim üçün əsas təchizatçı Azərbaycandır, amma biz də digər inkişaf etmiş ölkələr kimi energetik mənbələrin diversifikasiyası haqqında düşünürük”, - K.Kaladze vurğulayıb.

Nazir həmçinin bildirib ki, Gürcüstan 2007-ci ildən Rusiya qazını almır, əsas təchizatçı Azərbaycandır. Amma Gürcüstan Ermənistana nəql edilən Rusiya qazının ümumi həcminin 10%-ni alır.

K.Kaladzenin Qazprom-un idarə heyətinin sədri Aleksey Miller ilə görüşü Brüsseldə sentyabrın sonunda baş tutub.

Tərəflər Rusiya təbii qazının Gürcüstana çatdırılması məsələsini, eləcə də onun üçüncü ölkəyə nəqli məsələsini müzakirə ediblər, bunu Qazprom-da vurğulayıblar.

Öz növbəmizdə əlavə edək ki, öz maraqlarını nəzərə alaraq rəsmi Bakı çətin ki, İran qazının tranzit ilə Gürcüstana çatdırılmasına razı olsun.  

Belə halda Kaxa Kaladze İran ilə qaz nəqlinə dair danışıqları xatırladaraq, Ermənistandan tranzit ilə qazın nəqlini nəzərdə tutub, belə ki, İran qazının Gürcüstana nəqlinin başqa yolu mövcud deyil.