İsveçrənin HHQ-nin qırıcısı Alpda yoxa çıxıb

Oxu.Az xəbər verir ki, bu barədə "ВВС News” məlumat yayıb. 

Təyyarə günün ikinci yarısında İnterlakendən şərqdə Zusten aşırımı ərazisində yoxa çıxıb, İsveçrənin Müdafiə Nazirliyi məlumat yayıb. 

Pilotun taleyi haqqında məlumat daxil olmayıb. Xilasedicilər təyyarənin qalıqlarını və pilotu axtarırlar.  

Müdafiə Nazirliyi yaxın saatlarda baş verən hadisəyə dair mətbuat konfransı keçirməyi planlaşdırır. 

"Tages Anzaiger” qəzetinin saytı bu qəbildən olan hadisənin İsveçrənin hərbi aviasiyasında ilk olmadığını vurğulayıb. 

2015-ci ilin oktaybrında "F/A18” təyyarəsi qəzaya uğrayıb. Hadisə Fransa HHQ ilə birgə Bezansonun cənubi-şərqində keçirilən təlimlər zamanı baş vermişdi. 

2016-cı ilin iyununda isə Niderlandda "F-5” qırıcısı qəzaya uğramışdı. Pilot katapult etmişdi. 

Ümumilikdə 1941-ci ildən indiyə qədər İsveçrənin HHQ-nin 400 təyyarəsi qəzaya uğrayıb. Bu qəzalar nəticəsində 350 pilot ölüb.