Ən çox internetdən istifadə edən ölkə

Gələcəkdə bu göstərici "Əşyalar interneti”nə qoşulan qurğuların sayəsində daha da artacaq. Bu gün ən çox smartfonlar üzərindən internetə daxil olunur. 

"Zenith” resursunun statistikasına əsasən, 2012-ci ildə internetdən istifadənin 40%-i mobil qurğuların payına düşüb və 2016-cı ilə bu göstərici 68%-dək artıb.

"ICTnews” Elektron Xəbər Xidməti "4pda.ru” saytına istinadən yazır ki, analitiklərin proqnozuna görə, 2017-ci ilə internet trafikin 75%-i mobil qurğuların payına düşəcək. 

Beləliklə, internetə 4 qoşulmadan 3-ü yığcam qurğulardan həyata keçiriləcək. 2018-ci ildə bu göstərici 79%-dək artacaq və 2012-ci il üzrə məlumatları iki dəfə üstələyəcək.

Analitiklər, həmçinin regiondan asılı olaraq internetin populyarlığını təhlil ediblər. Ən çox internet istifadəçisi İspaniyada (85%) qeydə alınıb. 

Reytinqə, həmçinin Honkonq (79%), Çin (76%), ABŞ (74%) daxil edilib. 

"Zenith” resursunun proqnozuna görə, 2018-ci ildə Honkonq (89%) birinci, Çin (87%) ikinci, İspaniya (86%) isə üçüncü pillədə qərarlaşacaq.