Mobil əlavələr bazarı 166 milyard dollara çatacaq

İKT.lent.az-ın "vistanews.ru” saytına istinadən məlumatına görə, bu barədə "App Annie” agentliyinin hesabatında deyilir.

Şirkətin məlumatına əsasən, yuxarıda qeyd edilən məbləğin 65 milyard dollarını proqram məhsullarının əldə olunması üçün istifadəçilərin, həmçinin abunəçilərin xərcləri təşkil edir. 101 milyard dollar isə tərtibatçıların və reklam verənlərin öz proqramının inkişaf etdirilməsi üçün xərcləridir.

"App Annie” şirkətinin mütəxəssisləri həmçinin bildiriblər ki, bu il istifadəçilərin mobil əlavələrə xərclərinin təxminən 52 milyard dollar təşkil etməsi, reklam verənlərin xərclərinin isə 77 milyard dollar olması da mümkündür. Buradan belə qənaətə gəlmək olar ki, məhz gələn il proqram məhsullarında rəqəmsal elanların yaradılması cihazlar üçün bazarın əsas aparıcı gücünü təşkil edəcək.

Mütəxəssislər həmçinin bildirib ki, bazar bir çox səviyyədə sosial şəbəkələr, müxtəlif video servislər, oyun kontenti sayəsində əldə saxlanılacaq. Daha sürətlə isə mobil video reklam inkişaf edəcək.