İranda partlayış: 32 yaralı

İranın Şiraz şəhərində baş verən güclü partlayış nəticəsində yaralananların sayı 32 nəfərə çatıb.

APA-nın RİA Novosti agentliyinə istinadən verdiyi xəbərə görə, bu barədə Fars əyalətinin təcili tibbi yardım xidmətinin başçısı Məhəmməd-Reza Əli Maneş bildirib.

"Xəsarət alanların sayı 32 nəfərə çatıb, onlardan 15-i xəstəxanaya yerləşdirilib. Xəsarət alanların vəziyyəti sabitdir. Ticarət mərkəzində baş verən partlayışın səbəbləri hələ ki, məlum deyil”, tibb rəsmisi deyib.

Qeyd edək ki, bundan əvvəl İranın Şiraz şəhərində ticarət mərkəzində güclü partlayışın baş verdiyi, 15 nəfər yaralandığı, ilkin ehtimalla  partlayışa qaz sızması səbəb olduğu bildirilirdi.


***

02:44


İranın Şiraz şəhərində güclü partlayış baş verib.

APA-nın RİA Novosti agentliyinə istinadən verdiyi xəbərə görə, partlayış yerli vaxtla saat 01:00 radələrində ticarət mərkəzlərinin birində qeydə alınıb.

İlkin məlumata əsasən, hadisə nəticəsində azı 15 nəfər yaralanıb.

Partlayışın səbəbləri barədə hələ ki, rəsmi məlumat verilmir. İlkin ehtimala əsasən partlayışa qaz sızması səbəb olub.
www.anews.az