Moskvadan Türkiyəyə uçan təyyarədə bomba təhlükəsi

AzVision.az xəbər verir ki, təyyarədə bomba olması ilə bağlı məlumat sərnişinləri təşvişə salıb. Bu səbəbdən təyyarə təcili eniş edib.

Odessa polisindən verilən məlumata görə, təyyarədəki sərnişinlərdən biri özünü yaxşı hiss etmədiyindən ayaqyolunda uzun müddət qalıb. Bu isə təyyarə personalını şübhələndirib. Bu şübhələri daha da gücləndirən ayaqyolundan şübhəli çantanın aşkarlanması olub. Təyyarə təcili eniş etdikdən sonra aparılan axtarışlar zamanı şübhələrin əsassız olduğu müəyyənləşib. 

Ukrayna polisi bildirib ki, özünü şübhəli aparan Litva vətəndaşı olan sərnişin dindirilib. 

Qeyd edək ki, təyyarə 1.5 saatlıq gecikmə ilə "Sabiha Gökçen” hava limanına eniş edib.