Fərdi kompüterlər üçün “Skype” versiyası yenilənib

Anews.az ICTnews-a istinadən xəbər verir ki, proqramın yeni versiyasından "Windows", "Mac" və "Linux" əməliyyat sistemlərinin idarəetməsi ilə işləyən qurğularda yararlanmaq olar. Hazırda "Skype" bütün platformalarda eyni şəkildə görünür və fərdi kompüter, smartfon, planşet, "Xbox" qurğusu, "ağıllı" kolonka və servisdən istifadənin mümkün olduğu bütün qurğular arasında məlumatların sinxronlaşmasını dəstəkləyir.

Bundan başqa, "Skype" əlavəni tam fərdi etməyə imkan verən yazılan mövzuları dəstəkləməyə başlayıb. Yeni çatlar siyahısı kontaktları vaxta, oxunmamış məlumatlar və ya statusa görə ardıcıl düzməyə imkan verir. Həmçinin sürətli istifadə üçün istifadəçilərin və ya qrupun adını yazmaq imkanından yararlanmaq mümkündür.  

Bildirilir ki, əlavə ilə daha rahat işi təmin etmək məqsədilə "Microsoft" daxil olan bütün məlumatların, qrup danışıqlarında xatırlatmalar və sitatların saxlanıldığı yeni bildirişlər panelini təqdim edib. Bildirişlər panelində onlardan birinin üzərinə basmaqla məlumatın göndərildiyi çata birbaşa keçid edilir.  

Bundan əlavə, videokonfranslar zamanı smaylik və stikerlər vasitəsilə emosiyaları ifadə etmək olar.