Qumbara partlaması nəticəsində ölən düşmən əsgərin FOTOLARI

Qarabağda qumbara partlaması nəticəsində ölən Hrant Manqasaryan aprel döyüşlərində ordumuza qarşı təxribat əməliyyatlarında iştirak edib. 


Ordu.az erməni KİV-lərinə istinadən xəbər verir ki, dünən işğal altında olan Qarabağda yerləşən qanunsuz hərbi hissələrin birində tank əleyhinə qumbaranın partlaması nəticəsində ölən Hrant Manqasaryan haqqında bir sıra məlumatlar açıqlanıb. 

Məlumata görə, düşmən əsgəri Loru vilayətinin Spitak (Hamamlı) rayonunun Şirakamut (Nalbənd) kəndindən olub. Son bir neçə il ərzində Manqasaryanın ailəsi İrəvanda köçüb və hazırda, orada kirayədə yaşayırlar. Qohumlarının bildirdiyinə görə, evin tək oğlu olan Hrantın 5 bacısı var. Digər bir məlumata görə isə, 3 aydan sonra təxris ediləcək düşmən əsgəri, aprel döyüşlərində qüvvələrimizə qarşı təxribat əməliyyatlarında iştirak edib. 

Əsgərin ailəsi onun hələ hansı şəraitdə öldüyünü bilmir. İlkin məlumatlara görə, hadisə səhlənkarlıq nəticəsində baş verib. 

Xatırladaq ki, dünən saat 12:10 radələrində işğal altında olan Qarabağın şimal-şərq istiqamətində yerləşən qanunsuz hərbi hissələrin birində tank əleyhinə qumbaranın partlaması nəticəsində, 1997-ci il təvəllüdlü əsgər Hrant Xaçatur Manqasaryan ölüb, Qevorq Vladislav Hyusnunts və Sergey Sevada Alumyan adlı əsgərlər isə, müxtəlif dərəcəli qəlbə yaraları alıblar. 

Hadisə ilə bağlı araşdırma aparılır.





www.anews.az