Rus müxbir - "Suriyada snayperçinin boynunda xaç gördüm, dedi "erməniyəm"

Erməni mətbuatı xəbər verir ki, 2017-ci ilin dekabr ayında "Business Online”a verdiyi açıqlamada Bayduk, İŞİD silahlılarına qarşı savaşdan sonra ermənilərlə qarşılaşdığını söyləyib.

Orda gördüklərindən danışan Badyuk "Məni bu qarşılaşma təəccübləndirdi. Hanaser yaxınlığında davam edən şiddətli atışma var idi, bizə zəng edib İŞİD-lə münaqişənin yaşandığını söylədilər. Çəkiliş etdik, sonra silahlı qarşıdurma dayandı. Birdə gördüm snayperçinin boynunda xaç var. Təəccüblə soruşdum: "Adın nədir?” "Rafael” dedi. "Necə yəni Rafael?” dedim, "Erməniyəm” deyə cavab verdi. Güldüm, sonra ordakı bütün snayperçilərin, silahlıların erməni olduğunu öyrəndim. Daha sonra Hələbdə silah fabriklərindən birində çəkiliş edirdim, orda da işləyənlərin hamısı ermənilər idi. Savaş zamanı bu fabrikdən təmas xəttinə qədər sadəcə bir neçə metr məsafə var idi, düşünə bilirsiniz? Və orda bütün istehsalat Erməni Diasporasının çiyinlərində idi” şəklində danışıb.

Ermənilər də daxil olmaqla suriyalı xristianların savaşlardan dolayı çoxlu sayda itkilər verdiyini deyən müxbir "İŞİD-in keçdiyi məhəllələrdə bir soyqırım yaşandı, hər kəsi öldürdülər” ifadələrini işlədib.