İrandan İrəvana yeni zərbə: Gedin, pul tapın!

Axar.az xəbər verir ki, bunu İrəvan Dövlət Universitetində çıxışı zamanı İranın Ermənistandakı səfiri Seyid Kazım Səcdadi söyləyib.

"İranın Ermənistanla münasibətləri çox yaxşıdır. Biz dəmiryolu əlaqəsi yaratmağa hazırıq, amma İrəvan bunun üçün ilk növbədə investor tapmalıdır. Siz ilk addımı atın, biz növbətini atacağıq”, – deyə o bildirib.

Qeyd edək ki, İrəvan bundan öncə dəfələrlə İranla dəmiryolu əlaqəsi yaratmağa cəhd edib. İrəvana bu layihəni reallaşdırmaq üçün 1-2 milyard dollar pul lazımdır.

Ermənistanın dəmiryolları hazırda rəsmən Rusiya dəmiryolları şəbəkəsinin əlindədir. Ölkə dəmiryolu vasitəsilə yalnız Gürcüstanla əlaqə yarada bilir.