Zukerberq ifadə verəcək

Publika.az xəbər verir ki, ABŞ kongresinə çağrılan Mark Zukerberq 50 milyona yaxın şəbəkə istifadəçisinin şəxsi məlumatlarının oğurlanması ilə bağlı dinləmələrdə ifadə verəcək.

Eyni məsələ ilə bağlı daha əvvəl Britaniya parlamentində keçirilən analoji dinləmələrdə iştirak etməkdən imtina edən M.Zukerberqin bu dəfə hansı addımı atacağı medianın maraq dairəsindədir.

Xatırladaq ki, sosial şəbəkələrdə istifadəçilərin təhlükəsizliyi, eləcə də şəxsi informasiyalarının ötürülməsi, oğurlanması haqqında məlumat yayılıb. Məlumata görə, 50 milyona yaxın Feysbuk istifadəçisinin şəxsi məlumatlarının siyasi konsaltinq və siyasi reklam üzrə ixtisaslaşan "Cambridge Analytica" şirkətinə ötürülüb.

Qeyd edək ki, sözügedən şirkət seçki prosesi ərəfəsində ABŞ prezidenti Donald Trampın seçki qərargahı ilə əməkdaşlıq edib.