Qədim amerikalılar necə yoxa çıxıb?

Araşdırmaçılar iddia edir ki, insanların Luiziana sahillərini tərk etməsinə səbəb duzlu suyun şirin su hövzəsinə axması olub. 

Oxu.Az xəbər verir ki, bu məlumat İllinoys Universitetinin saytında yerləşdirilib. 

Şimali Amerikada qədim insanlar kurqanların tikintisinə eramızdan 4500 il əvvəl başlayıblar. XII əsrdə Missisipi çayının vadisinin aşağı hissəsində Plakemin mədəniyyəti formalaşıb. Qədim amerikalılar yaşamaq üçün zəngin su resurslarına malik əraziləri seçiblər.

Misal üçün, Missisipi çayının deltasında yerləşən "Grand Caillou”da 500 insan yaşayırdı, ancaq vaxt keçdikcə bura xarabalığa çevrildi. 

Tədqiqatçılar arxeoloji qazıntılar zamanı tapılmış keramika və izotopların analizlərini aparıblar. Məlum olub ki, kurqanlar üç təbəqədən ibarətdir: üst və alt gil təbəqələri, onların arasında isə möhkəm süxur yerləşib. Bu struktur kurqanın uzunömürlü olmasına gətirib-çıxarıb. Çay çöküntüləri ilə tikilmiş təpə isə təxminən bir metr yüksəklikdə yerləşib. 

Araşdırmalar zamanı məlum olub ki, insanlar "Grand Caillou”nu 1400-cü illərdə tərk ediblər.