Hindistan İran neftindən imtina edir

Oxu.Az bununla bağlı "Reuters” agentliyinə istinadla xəbər verir. 

Məlumatlara görə, sentyabr ayı ərzində Hindistana idxal ediləcək neftin həcmi 12 milyon barelə kimi azaldılacaq. 

Xatırladaq ki, Vaşinqton noyabrda yeni sanksiyalar tətbiq etmək niyyətindədir. 

Hindistan Neft Nazirliyi iyunda bəyan edib ki, Hindistanın neft emalı zavodları noyabrdan başlayaraq İrandan idxal olunan nefti azaltmağa hazırlaşırlar. 

Qeyd edək ki, Hindistan İran neftinin ixracına görə Çindən sonra ikinci yerdədir.