İngiltərə şahzadəsinin həyat yoldaşı geyimi ilə gündəmdə - FOTO

Şahzadə Harrinin həyat yoldaşı Meqan Markl paltarının dərin yarığı ilə gündəm yaradıb.

37 yaşlı Sasseksk hersoginyası hamilə olmasına baxmayaraq Şahzadə Harri ilə Avstraliya turuna çıxmaqdan imtina etməyib. Lakin Meqan bütün planlaşdırılan tədbirlərdə həkimlərin tövsiyəsi ilə iştirak edir.

Məşhur cütlük dünən Freyzer adasına səfər edib. Hersoginya əri ilə birlikdə yerli sakinlərlə görüşə yollanıb. Bu zaman Meqan krallığın protokol qaydalarını pozub. Hersoginya çıxışı üçün hər iki kənarında dərin yarığı olan açıq rəngli sarafan seçib. Sarafanın açıq çiyinləri və cəsarətli yan kəsiyi protokol qərarlarına heç cür uyğun gəlməyib. Meqan biçimli ayaqlarını nümayiş etdirib.

Yerli sakinlərlə səmimi söhbət edən Meqanın yarıqlı paltarı müzakirələrə səbəb olub. Çətin ki, II Yelizaveta təzə gəlinini bu addımına görə tərifləsin.

Görüşdə Meqan və şahzadə Harri butçulla qəbiləsinin milli rəqsinə baxıb və yerli əhalidən gələcək uşaqları üçün hədiyyələr alıblar./publika.az