Jurnalist Camal Kaşıkçının qətl səbəbi

Britaniyanın "The Daily Express” qəzeti jurnalist Camal Kaşıkçının qətlə yetirilmə səbəbinə dair məqalə yazıb.

Qəzetin məlumatına əsasən, jurnalist Ər-Riyadın Yəməndə kimyəvi silahdan istifadə etdiyini sübut etməyə çalışdığı üçün öldürülüb.

Britaniya kəşfiyyatı isə rəsmi Londonun qətldən üç həftə əvvəl Səudiyyə Ərəbistanı hakimiyyətinin jurnalisti oğurlamaq barədə plan qurduğundan xəbərdar olub. Xüsusi xidmət orqanları Səudiyyə kəşfiyyatçılarının danışıqlarını ələ keçiriblər. Danışıqlarda isə jurnalisti Türkiyədə oğurlayıb Ər-Riyada aparmaq barədə əmr verilib. Əgər jurnalist müqavimət göstərsə, vəziyyətə uyğun davranmaq tapşırılıb.

Qəzetin xəbərinə əsasən, əmri vəliəhd şahzadə Məhəmməb bin Salman yox, onun ətrafındakı şəxslərdən kimsə verib./olke.az