Britaniya şahzadəsindən GÖZLƏNİLMƏZ AÇIQLAMA: Toydan əvvəl...

Britaniya Şahzadəsi Çarlz etiraf edib ki, o, Diana ilə toyunu ləğv etmək istəyib.

Publika.az xarici mətbuata istinadən xəbər verir ki, noyabrın 14-də Şahzadə Çarlzın 70 yaşı tamam olacaq. Bu ərəfədə Britaniya kitab mağazalarının rəflərini varisin yeni tərcümeyi-halından bəhs edən kitablar bəzəyəcək. Kitabın müəllifi vəd edir ki, bu, əsl sensasiya olacaq.

Britaniyanın kral ailəsinin hələ yazdan qeyd etməyə başladığı şahzadə Çarlzın yubileyi şərəfinə jurnalist Robert Cobson səbəbkarın yeni bioqrafiyasını təqdim edəcək. Burada sadəcə şahzadənin fəaliyyəti barədə deyil, onun şəxsi həyatı barədə məlumat veriləcək. Üstəlik, müəllif bildirib ki, söhbət zamanı Çarlz onunla maksimum dərəcədə səmimi olub. Odur ki, qarşıda bizi bir neçə sensasiyalı bəyanatlar gözləyir. Məsələn, II Yelizavetanın böyük oğlu Diana ilə öz toyunu ləğv etmək istədiyini deyib.

"Nişanda başa düşdüm ki, bizim perspektivlərimiz nə qədər dəhşətlidir" , - deyə şahzadə etiraf edib.

Çarlz bildirib ki, hər görüşdən sonra o, aydın dərk edirdi ki, onların gələcək nikahı böyük səhvdir. Bəylə gəlin toydan əvvəl cəmi 12 dəfə görüşüb. Çarlzın fikrincə, əgər onun Dinananı daha yaxından tanımaq şansı olsaydı, hər şey başqa cür ola bilərdi.

Sadəcə Çarlz deyil, Diana da hesab edib ki, onların nikahının uğursuz təşəbbüsdür. Nəticədə hər kəsin inandığı nağıl möhtəşəm yas mərasimi - Diananın vaxtsız ölümü ilə sona çatıb.