Bu tarixdən polietilen torbaların istifadəsi qadağan ediləcək

Avstriyada 2020-ci ildən etibarın polietilen torbalardan istifadə olunmayacaq.

Anews.az publika.az-a istinadən xəbər verir ki, ölkədə plastik tullantıların azaldılması və ətraf mühitin qorunması məqsədi ilə polietilen torbaların istifadəsi qadağan ediləcək.

Bu barədə baş nazir Sebastiyan Kruz paytaxt Vyanada bəzi nazirlər, iş adamları və qeyri-hökumət təşkilatları sədrlərinin qatıldığı toplantıdan sonra təşkil edilən mətbuat konfransında informasiya verib.

Gəlir mənbəyindən asılı olmayaraq Daxili ipotekaya müraciət edin.

Onun sözlərəinə görə, ölkədə "istifadə et, at” anlayışının qarşısı alınacaq.

Ekologiya və turizm naziri Yelizaveta Köstinqer isə bu addımın kiçik, lakin əhəmiyyətli olduğunu vurğulayıb. O, ölkə miqyasında təxminən, 400 milyon polietilen torbadan istifadə edildiyini, bunun toplamda 7 min ton plastik maddəyə bərabər olduğunu bildirib. Nazir deyib ki, bundan sonra qalıcı və təkrar istifadəyə yararlı torbalardan istifadə ediləcək.

Bu qərar ölkədə bəzi dairələri narahat edib. Pərakəndə market şəbəkələri hökumətə sərt reaksiya verib.

Qeyd edək ki, 1 yanvar 2019-cu il tarixindən Türkiyədə polietilen torbaların satışı ödənişli olub. Buna səbəb ətraf mühitin çirklənməsinin qarşısını almaqdır.