Putin hamıdan birinci oldu

Sentyabrın 14-də Rusiya Federasiyasında yerli seçkilər keçiriləcək. Prezident Vladimir Putin Şanxay Əməkdaşlıq Təşkilatının sammitində iştirak etməsi səbəbilə həmin gün ölkədə olmayacaq. Bu səbəbdən də o, erkən səsvermə haqqından istifadə edib. ANN.Az xarici ölkə mediasına istinadən xəbər verir ki, prezident Putin Moskvanın Qaqarinski rayonunda yerləşən məntəqəyə gələrək səs verib. Daha sonra mediaya açıqlamasında bildirib ki, xarici ölkəyə səfərinin olması səbəbilə səsvermə haqqını daha tez istifadə edib: "Oradan nə zaman dönəcəyim bilinmir. Hər hansı bir problem olmadan səsvermə haqqımı istifadə eləmək istədim".Rusiyanın özünə birləşdirdiyi Krım və Svestopol da daxil olmaqla 50 milyon seçicinin iştirak edəcəyi prosesdə yerli duma, bələdiyyə sədri və köməkçiləri seçiləcək. 3 bələdiyyə sədri, 30 yerli idarəçi, 680 yerli məclis üzvü yenilənəcək.Rusiyanın özünə birləşdirdiyi Krım və Svestopolda da yerli məclislər olacaq. Rəsmi Kiyevin tənqid etdiyi Krım və Svestopol seçkilərində Rusiyanın siyası partiyaları yarışacaq. Krım Mərkəzi Seçki Komissiyasının sədri Mixail Malışev Rusiya, Ukrayna və ya keçmiş Sovetlər İttifaqı zamanından qalma pasportları olan vətəndaşlaırn səsvermədə iştirak edə biləcəyini deyib. 75 yerlik Krım parlamenti yenidən qurulacaq.45 yerlik paytaxt Moskva dumasına seçkilərdə iqtidar partiyası "Birləşmiş Rusiya"nın qalib olacağı gözlənilir. İqtidar partiyası səslərin 28, Kommunist Partiyası 7, Liberal Demokrat Partiyası 5, Ədalət Partiyası 4, "Yabloko" partiyası isə 3 faiz səs toplayacağı ehtimal olunur. Bu rəqəmləri Rusiya İctimai Araşdırma Şirkəti apardığı sorğu əsasında hazırlayıb.

ANN.Az