“Coca-Cola” təsdiqlədi: məhsullar mağazalardan yığışdırılıb

“Şirkət olaraq bəzi mağazalardan məhsullarımızın bizə məlum olmayan səbəblərdən çıxarılmasını təsdiq edirik”. Bunu Modern.az-a açıqlamasında “Azerbaijan Coca-Cola Bottlers” (ACCB) şirkətinin korporativ əlaqələr üzrə direktor Demokan Konyalıgil bildirib.

Onun sözlərinə görə, son zamanlar məhsulların mağazalarda satışının azalması ilə bağlı xəbərlərlə tanış olublar: ““Coca-Cola” son zamanlar mətbuatda bəzi mağazalarda məhsullarının yoxluğu ilə bağlı yaranan xəbərlərlə tanış olmuşuq.

Bu istehlakçılarımızın narahatlığına səbəb olub. Bu halları araşdırıb həll etmək üçün müvafiq dövlət qurumlarına müraciət edəcəyik”.

Qeyd edək ki, bir neçə gün öncə "Yeni Müsavat" qəzeti bu mövzuda "Coca-Colanın nidası qoyuldu" başlıqlı manşet xəbəri vermişdi.

ANN.Az